OQO gıdro elektr stantsııasy Qazyǵurtqa qajetti qýattyń besten bir bóligin qamtyp otyr
ASTANA. QazAqparat - OQO Qazyǵurt aýdanynda jylyna 63,2 mln kVt elektr energııasyn óndiretin shaǵyn gıdro elektr stantsııasy búginde sátti jumys istep keledi, dep habarlaıdy oblystyq ákimdiktiń baspasóz qyzmeti.
Búgingi tańda kásiporyn Qyzylqııa, Qaqpaq aýyl ákimdigine qarasty tórt eldi mekenderge elektr qýatyn shyǵarýdy bastap, synaq merzimin ótkizý jumystaryn júrgizýde. Elektr stantsııasy óndirilgen ónimdi Qyzylsengir eldi mekeniniń elektr jelisine qosý úshin «Ońtústik jaryq» mekemesine 1kVt 16,71 teńgeden elektr qýatyn ótkizýde.
«Salem Consultinq» jaýapkershiligi shekteýli seriktestigi 400 mln. teńge qarajat jumsaǵan joba osy aýdandaǵy Úlken kesken kanalynda ornalasqan. Úlken kesken kanalynan 6m³/sek. sý alynyp, 450 metr tómen qaraı elektr stantsııasyna kelip, arnaıy qondyrǵylardan ótip saǵatyna 1000 kVt (saǵ/1mVt) elektr qýaty shyǵarylady. Gıdro elektr stantsııada jergilikti 12 adam turaqty jumyspen qamtylyp otyr. Bul elektr stantsııa aýdannyń elektr qýatyna degen qajettiliginiń besten bir bóligin qamtyp otyr.
Aıta keteıik, Ońtústik Qazaqstandaǵy 844 eldi meken tolyq elektr qýatymen qamtylǵan. Bıyl qazynadan 11,7 mlrd teńge bólinip, 101 eldi mekendi sapaly jáne turaqty elektr qýatymen qamtamasyz etý qurylystary júrýde. Jumys kólemi ótken jylmen salystyrǵanda 10 ese artqan. Onyń ishinde: jyldyń qorytyndysymen 85 eldi mekende qurylys jumystary aıaqtalyp, tozyǵy jetken elektr júıeleri jańartylatyn bolady.
