OQO-ǵa tartylǵan ınvestıtsııa kólemi 180,6 mlrd teńgege jetti
ASTANA. QazAqparat - Alty aıda Ońtústik Qazaqstan oblysyna tartylǵan ınvestıtsııa kólemi 180,6 mlrd teńgege jetip, ótken jyldyń osy kezimen salystyrǵanda 133,0%-ke ósken, dep habarlaıdy oblys ákiminiń baspasóz qyzmeti.
Bıylǵy jyldyń alty aıynda Ońtústik Qazaqstan oblysyna tartylǵan ınvestıtsııa kólemi 180,6 mlrd. teńgeni qurap, ótken jyldyń tıisti kezeńimen salystyrǵanda 133,0%-ga ósken. Sondaı-aq ındýstrııaldy-ınnovatsııalyq damý baǵdarlamasy boıynsha kásipkerlikti qoldaý kartasy aıasynda oblysymyzda jalpy quny 208 mlrd.teńgeni quraıtyn 162 joba iske qosylyp otyr. Bul óz kezeginde 9,5 myń jańa jumys ornyn ashýǵa múmkindik berdi.
Budan bólek, óńirde bıylǵy jyly 37,1 mlrd. teńgeni quraıtyn 17 jobany iske qosý kózdelse, búgingi tańda quny 1,7 mıllıard teńgeni quraıtyn 3 zaýyt óz jumysyn bastap ketti.
«Júzege asqan jobanyń biri - Shymkent qalasyndaǵy vaflı óndirý fabrıkasy. Munda jylyna 1700 tonna ónim óndirý kózdelip otyr. Ekinshi joba - «Azııa agro» JShS-gi Otyrar aýdanynda júgeri óńdeý isin qolǵa alyp otyr. Úshinshi joba - Sozaq aýdanynda ýran óndirisine arnalǵan polıetılen shyǵaratyn zaýyt óz jumysyn bastap jiberdi», - deıdi oblystyq kásipkerlik, ındýstrıaldy - ınnovatsııalyq damý jáne týrızm basqarmasynyń basshysy Batyrhan Qurmanseıit.
Jalpy oblysymyz ınvestıtsııaǵa tartymdy óńir bolyp tabylady. Ázirge ınvestıtsııa tartý boıynsha Shymkent qalasy, Otyrar, Tólebı, Saryaǵash aýdandary kósh bastaǵan.
Investorlardyń qyzyǵýshylyq tanytyp otyrǵan salalary farmatsevtıka toqyma óndirisi, jeńil ónerkásip jáne aýyl sharýashylyǵyndaǵy qaıta óńdeý ónerkásibi bolyp tur.
Budan bólek, mashına jasaý, týrızm, «Aqyldy qala" salalary boıynsha yntymaqtastyq ornatý, tájirıbe almasý maqsatynda Germanııa, Ulybrıtanııa, Grýzııa, Ispanııa, Italııa, Túrkııa, Reseı jáne t.b. memleketterine resmı saparlar josparlanýda. Mundaı sharalar óńirimizdiń ınvestıtsııalyq múmkindikterin tanystyryp, jańa áriptestik qatynas ornatýǵa jol ashady.
Osydan 5 jyl buryn óńirimizde shaǵyn jáne orta bıznes sýbektileriniń sany 120 myń bolsa, sońǵy 5 jylda bul kórsetkish kóbeıip, 176 684-ke jetip otyr. Al, osy salaǵa ınvestıtsııa tartý boıynsha oblysymyz respýblıkada aldyńǵy orynǵa shyqty. Jalpy oblys ekonomıkasyna 2016 jyly 380,6 mlrd.teńge ınvestıtsııa tartylǵan.
