OQO-ǵa Nobel syılyǵynyń laýreaty keldi
ShYMKENT. QazAqparat - Ońtústik Qazaqstan oblysyna jumys saparymen ESKATO BUU Departament basshysy, Nobel syılyǵynyń laýreaty Rae Kvon Chýng keldi.
«Ońtústik» aımaqtyq ınvestıtsııalyq ortalyǵynyń shaqyrýymen kelgen sheteldik qonaq oblys ákiminiń orynbasary Erbol Tasjúrekov jáne atalǵan ortalyqtyń Basqarma tóraǵasy Qýanysh Baıtóremen kezdesti, dep habarlaıdy QazAqparat tilshisi.
Taraptar kezdesý barysynda aımaqtyq ınvestıtsııalyq ortalyq usynǵan Túrkistan qalasyndaǵy «jasyl tehnologııalar» negizindegi jobalardy iske asyrý barysyn talqylady. Óńirge ınvestıtsııa tartý jáne «jasyl tehnologııalar» negizinde jobalardy iske asyrý máselelerin talqylaý barysy M.Áýezov atyndaǵy OQMÝ qabyrǵasynda jalǵasyn tapty.
Rae Kvon Chýng myrzanyń qatysýymen ótken dóńgelek ústel otyrysnda Qazaqstan Respýblıkasy Prezıdentiniń «jasyl» ekonomıkaǵa kóshý jónindegi saıası sheshiminiń mańyzdy róli sóz boldy. Avtomattandyrýdy engizý barysynda R.Chýng kóptegen jumys oryndarynyń jabylýy múmkindigin atap ótti. Osy kezeńde «jasyl damý» júıesine kóshý jańa jumys oryndaryn qurýǵa múmkindik beretinin jetkizdi.
Sonymen qatar, shara barysynda Shymkent qalasy ákiminiń orynbasary Tımýr Baımuhanov «Shymkent qalasyn kógaldandyrý» taqyrybyndaǵy jobasyn tanystyrsa, «Ońtústik» aımaqtyq ınvestıtsııalyq ortalyǵynyń basqarma tóraǵasy Qýanysh Baıtóre Túrkistan qalasynda «Qatty qaldyqtardy qaıta óńdeý» jobalary ázirlený satysynda ekendigin atap ótti. Ári atalǵan jobanyń iske asyrý merzimi osy jylǵa josparlanǵandyǵy belgili boldy.
Aıta ketý kerek, joǵaryda atalǵan jobalardy júzege asyrý 500-den astam joǵary sapaly jumys oryndaryn qurýǵa múmkindik beredi.
Ǵylymı-praktıkalyq dóńgelek ústel uıymdastyrýshylary jaqyn bolashaqta Qazaqstan Respýblıkasynyń «jasyl ekonomıkaǵa» kóshýi jónindegi tujyrymdama aıasynda joǵaryda atalǵan jobalardy júzege asyrýǵa kirispek.
