OQO-ǵa kelgen reseılik kásipkerler ekijaqty kelisimsharttar jasasty
ShYMKENT. QazAqparat - Ońtústik Qazaqstan oblysyna Reseıdiń Tomsk qalasynan kásipkerler kelip, óndiris oryndarymen tanysty. Qonaqtar óńirdegi óndiris oryndaryn aralap, jergilikti taýaróndirýshilerdiń shyǵaryp jatqan ónimderin kórdi, dep habarlaıdy QazAqparat HAA tilshisi.
Quramynda 10 kásipkeri bar delegatsııany jeńil jáne tamaq ónerkisibi, aýyl sharýashylyǵy salalaryndaǵy jobalar qyzyqtyrdy. Bul - reseılikterdiń ońtústik óńirine ekinshi ret kelýi. Sebebi, bul óńir Qazaqstan boıynsha kásipkerlerdiń eń kóp shoǵyrlanǵan aımaǵy sanalady. Buǵan deıin Tomsk kásipkerleri Túrkistan qalasynda bolyp, ondaǵy jıhaz shyǵaratyn kásipkermen kelisim shart jasaqan-dy. Nátıjesinde qazir qalanyń jıhazdary Tomsk naryǵyna shyǵaryldy. 
Endi osyndaı múmkindik ózge kásipkerlerge de týyp otyr. Kelisimder ońtaıly júrgizilse, Shymkenttik taýarlar kórshi eldiń naryǵyna jol tartady. Reseılik delegatsııany bastap kelgen Dmıtrıı Nemytkovtyń sózinshe kórshi eldiń ókilderin negizinen kondıterlik, jeńil ónerkásip, teri ónimderi men aıaq kıimder qyzyqtyryp otyr. Taýrlar kóńilden shyqsa Keden odaǵy aıasynda Reseıden ońtústikke nemese Ońtústikten Reseıge taýarlar eksporttalatyn bolady.
«Bes kompanııanyń maqsaty ár túrli. Bireýi taýaryn ótkizý jaǵyn oılasa, endi biri taýar alý jaǵyn qarastyrýda. Ózgeleri ımportty Reseıge ótkizý maqsatynda kelip otyr», - deıdi Ońtústik Qazaqstan oblystyq Kásipkerlik palatasynyń jobalardy súıemeldeý bólimi jetekshisi Oljas Janseıitov.
