OQO eskekpen esý federatsııasy bolashaq chempıondardy jetimder úıinen izdep jatyr
ASTANA. QazAqparat - Ońtústik Qazaqstan oblysy kanoe men baıdarkada eskek esý federatsııasynyń basshylyǵy men bapkerleri Leńgirdegi jetimder úıiniń jetkinshekterimen kezdesti, dep xabarlaıdy QazAqparat.
Balalar eskekpen esý sport túrleri týraly, sonyń ishinde kanoe men baıdarkada esý, jelkendi qaıyq pen akademııalyq eskek esý sporty jaıly aıtylǵan áńgimelerdi úlken qyzyǵýshylyqpen tyńdap shyqty. Jetimder úıiniń basshylyǵy jáne onyń tárbıelenýshileri atalmysh sport túrleriniń jattyǵý toptaryn tolyqtyrýǵa qulyqty ekendikterin jasyrmady.
Osydan soń OQO eskekpen esý federatsııasynyń prezıdenti Denıs Jármenov jetimder úıiniń tárbıelenýshileri oqyp jatqan jalpy bilim berý mektepteri janynan osy sport túrlerine qyzyǵýshylyq tanytqan balalarǵa arnaıy synyp ashý jóninde usynys tastady.
"Sý sporty boıynsha sport mektebi tarapynan aı saıyn atalǵan arnaıy synypqa qarjy bólinip turady, balalar sabaq barysynda tegin tamaqtandyrylady. Arnaıy synypqa 30 bala iriktelip alynady jáne ol óz jumysyn qysqy demalystardan keıin bastaıdy", - dedi D. Jármenov.
Osylaısha, federatsııa ıgi is bastap qana qoımaı, eskekpen esý sport túrlerine jańa rezerv tolyqtyrýdy josparlaýda.
