OQO: Ekige bólinetin Maqtaaral aýdanyna qandaı ataýlar usynylýda
ShYMKENT. QazAqparat - Ońtústik Qazaqstan oblystyq máslıhatynyń kezekten tys HHІІ sessııasynda 9 másele qaraldy. Onyń ishinde memlekettik-jekeshelik áriptestik aıasynda salynatyn jobalardyń jaıy talqylandy, dep habarlaıdy QazAqparat tilshisi.
Sessııaǵa oblystyq aýmaqtyq saılaý komıssııasynyń tóraǵasy, qala jáne aýdan ákimderi, Maqtaaral aýdandyq máslıhatynyń hatshysy, quqyq qorǵaý organdarynyń, oblystyq aýmaqtyq departamentter men basqarmalardyń, uıymdardyń basshylary jáne BAQ ókilderi qatysty.
Aldymen, depýtattar oblys ákimdiginiń derbes quramyna engen ózgeristerdi sóz etti. Memlekettik-jekeshelik áriptestik aıasynda salynatyn jobalar boıynsha máseleler kóterildi. Oblystyq qarjy basqarmasy bergen aqparatqa súıensek, osy baǵdarlama arqyly bıyl óńirde úsh joba júzege asady. Onyń ekeýinde oblystyq mańyzǵa ıe kúre joldar kúrdeli jóndeýden ótedi. Taǵy 8 kópqabatty turǵyn úı jeke kásipker esebinen boı tikteıdi.
Sóıtip, memlekettik-jekeshelik áriptestik aıasynda júzege asatyn jobalar sany 21-ge jetedi. Osydan keıin oblystyń ońtústiginde ornalasqan Maqtaraal men Saryaǵash aýdandaryn bólý máseleleri qaraldy. Sóıtip, ótken sessııa otyrysynda talqylanyp, qoldaý tapqan jaıtqa qaıta ózgeris engizildi. Eske salsaq, ótken joly Maqtaral aýdanyn úshke bólý týraly usynys maquldanǵan bolatyn. Al, máslıhattyń kezekti otyrysynda atalmysh aýdandy ekige bólý týraly sheshim qabyldandy.
Depýtattardyń aıtýynsha, maqtaly óńirdiń halqy eki aýdannyń birin Jetisaı, ekinshisin Myrzashól dep ataýdy usynyp otyr eken. Endi bul usynystar Respýblıkalyq onomastıka komıssııasynda qaralady. Sessııa sońynda birqatar azamattar oblystyń áleýmettik-ekonomıkalyq jáne qoǵamdyq-saıası damýyna qosqan súbeli úlesteri úshin Qurmet gramotasymen marapattaldy.
