OQO: Eki jasóspirimdi pyshaqtaǵan kúdiktige qatysty qylmystyq is qozǵaldy
ShYMKENT. QazAqparat - Ońtústik Qazaqstan oblysynda eki jasóspirimge pyshaq jaraqatyn salǵan kúdiktige qatysty «Adam óltirýge oqtalý» babymen qylmystyq is qozǵaldy. Bul týraly oblystyq ІІD-niń baspasóz qyzmetinen málim etti, dep habarlaıdy QazAqparat.
«Polıtseıler jasóspirimge qatysty adam óltirýge oqtalý faktisi boıynsha sotqa deıingi tergep-tekserý jumystaryn bastady. Tergeý barysynda kámelet jasqa tolmaǵan jasóspirimder arasynda tóbeles bolǵany anyqtaldy. Janjal nátıjesinde sezikti degen 15 jastaǵy jasóspirim 16 jastaǵy eki jábirlenýshige pyshaq jaraqatyn salyp, oqıǵa ornynan boı tasalaǵan. Sol kúni tártip saqshylarynyń jedel-izdestirý sharalarynyń nátıjesinde kórshi aýylda turatyn kúdikti ustaldy. Birneshe saraptamalar taǵaıyndalyp, sezikti jasóspirim qamaýǵa alyndy»,- delingen habarlamada.
Eske salaıyq, oqıǵa Ordabasy aýdanyna qarasty Birlik aýylynda boldy. Naýryz merekesi toılanyp jatqan eldi meken ortalyǵyna kórshi Jambyl aýylynyń turǵyndary kelip, jergilikti jasóspirimderdi pyshaqtap ketken. Saldarynan zardap shekken eki stýdent Temirlan aýylyndaǵy aýrýhanaǵa jetkizildi.
