OQO: Dárihanaǵa satýshysy ózin baılap ketken qaraqshylar týraly oıdan shyǵarǵan
ShYMKENT. QazAqparat - Shymkentte dárihana qyzmetkeri qaraqshylar qomaqty somany urlap, ózin baılap ketkeni týraly oqıǵany oıdan shyǵaryp, polıtsııaǵa habarlaǵan, dep habarlaıdy QazAqparat tilshisi.
Abaı aýdandyq polıtsııa bólimine qaladaǵy dárihanalardyń birine qaraqshylyq shabýyl jasalǵany týraly habarlama 24 qańtar kúni kelip túsken.
«Anyqtalǵandaı, betperde kıgen belgisiz tulǵalar dárihanaǵa basa-kóktep kirip, satýshyny pyshaqpen qorqytqan. 700 myń teńgeden astam aqshany alyp, kete bere satýshynyń aıaq-qolyn skotchpen baılap ketken. Atalmysh fakti sotqa deıingi tergep-tekserý biryńǵaı tizilimine QR QK-niń 192-baby («Qaraqshylyq») boıynsha tirkeldi», - dep atap ótti Shymkent qalalyq ІІD-niń baspasóz qyzmetinen.
Alaıda, tártip saqshylary jedel-izdestirý sharalaryn ótkizý barysynda atalmysh qaraqshylyq shabýyldyń jalǵan ekenin anyqtady.
Qazirgi ýaqytta jalǵan habar bergen dárihana qyzmetkeri ustalyp, onyń ústinen Qylmystyq kodekstiń 419-baby («Kórineý jalǵan sóz jetkizý») boıynsha is qozǵaldy.
«Ol qylmystyq jaýapkershilikke tartylatyn bolady», - dep naqtylady ІІB-den.
Áıeldiń bul áreketiniń sebebin jáne aqshanyń urlanǵan, ne urlanbaǵanyn tergeýshiler anyqtaý ústinde.
