OQO-dan Reseıge 51 myń tonna qaýyn-qarbyz eksporttaldy
ASTANA. QazAqparat - Ońtústik Qazaqstan oblysyndaǵy dıqandar qaýyn-qarbyz ósirýdi sheber meńgerip, baqsha daqyldarynyń eksportqa jaramdy neshe túrli sorttaryn shyǵarýda, dep habarlaıdy oblys ákiminiń baspasóz qyzmeti.
Bıyl oblys boıynsha 57 myń gektar jerge qaýyn-qarbyz egilse, olardan 224 myń tonna ónim jınalyp otyr. Jınalǵan ónimniń ishinde 166 myń tonnasy -qarbyz, 58 myń tonnasy - qaýyn.
Aımaq dıqandary qazirgi tańda jınalǵan baqsha daqyldaryn jergilikti saýda oryndarynan bólek, elimizdiń ózge óńirleri men shet elderge eksportqa shyǵarýda. Máselen, Reseıge 35 myń tonna - qarbyz, 16 myń tonna - qaýyn, al Belarýs eline 481 tonna qaýyn-qarbyz jóneltilse, Latvııaǵa 127 tonna qaýyn esporttalǵan. Al qalǵany el naryǵynda satylýda.
Al, búginde baqsha daqyldaryn egýde oblystaǵy eń iri agro aımaq bolyp sanalatyn Maqtaaral aýdanynyń turǵyndary 24 myń gektar jerge baqsha ónimin ekken. Dıqandar egilgen qaýyn-qarbyzdan 74 myń tonnadan astam ónim jınap, saýdalaǵan. Olar ónimniń 70 paıyzyn shetelge, qalǵan 30 paıyzyn otandyq naryqqa shyǵarǵan.
Maqtaraldyq dıqandar byltyr eskport pen ishki naryqty qosa eseptegende 7,6 mıllıard teńgeniń qaýyn-qarbyzyn satqan. Bul qarjynyń 70 paıyzy shet eldermen aradaǵy saýdadan túsken. Bıyl egilgen qaýyn-qarbyzdyń kólemi 1 myń gektarǵa artyq, sondyqtan da ónim kólemi men túsetin tabys byltyrǵyǵa qaraǵanda joǵary bolady dep kútilýde.
