OQO-dan Astana kúnine oraı aýyl sharýashylyq kerýeni jóneltildi
ASTANA. QazAqparat - Búgin Ońtústik Qazaqstan oblysynan Astana qalasy kúnine oraı, aýyl sharýashylyǵy kerýeni attandy. Onda jalpy quny 157,7 mln.teńge bolatyn 374 tonna aýyl sharýashylyǵy ónimderi bar, dep habarlaıdy OQO ákiminiń baspasóz qyzmeti.
Astana qalasynda shilde aıynyń 2-3 kúnderi ótetin jármeńkede 50-den astam ońtústikqazaqstandyq taýaróndirýshilerdiń aýyl sharýashylyǵy ónimderi satylady.
Astanalyqtarǵa mereke qarsańynda naryqtaǵy baǵadan 10-15 paıyzǵa arzan 69 tonna et pen et ónimderi, 141 tonna kókónis, 33 tonna jemis - jıdek, 17 tonna kartop pen 7 tonna sút ónimderi, 5 tonna shubat 25 myń dana jumyrtqa, 50 tonna baqsha ónimderi men taǵy basqa 27 tonna ónimder usynylady.
Bul óńirdegi aýdan men qalalardyń Bas qalaǵa jasaǵan ózindik tartýy. Soǵan oraı, jergilikti buqaralyq aqparat quraldary men aýyl sharýashylyq basqarmasynyń mamandary jınalyp kerýendi saltanatpen shyǵaryp saldy.
Jalpy oblysta egis kólemi 5 myń gektarǵa artyp 780 myń ga qurady. Al sýarmaly jer kólemin qosymsha 8,7 myń ga ulǵaıtý boıynsha jumystar júrgizilýde.
