OQO-dan 2,5 myńnan astam qarakól qoıy Birikken Arab Ámirlikterine eksporttaldy
Bıyl Sozaq aýdandyq aýylsharýashylyǵy bóliminiń tarapynan qolǵa alynǵan aýylsharýashylyǵy maldary etin eksportqa shyǵarý jónindegi jumystar oń nátıjesin berdi.
Osy jyldyń tamyz aıy men qazan aıynda aralyǵynda «Qara Qur» óndiristik kooperatıvinde ósirilgen 2 688 bas erkek qarakól toqtylary Birikken Arab Ámirlikterine eksportqa shyǵarý úshin satyldy.
Birikken Arab Ámirlikterine eksportqa usaq mal men qoı, sıyr, túıe etin shyǵarýmen aınalysatyn «Dısada» JShS-nyń dırektory Súleımanov Sanat: «Biz Sozaq aýdany «Qara-Qur» óndiristik koperatıvinen 2 partııa, barlyǵy 2 688 bas usaq mal tólderin eksportqa shyǵaryp otyrmyz. Aldaǵy kezeńde arab memleketterine eksportqa aýdan agroqurylymdarynan usaq mal men sıyr, túıe etin shyǵarý isin júıeli túrde jalǵastyratyn bolamyz», - deıdi.
Munan bólek, seriktestiktiń Birikken Arab Ámirlikterine 50 myń bas usaq mal tólin satý jóninde kelisimsharty bar. Búginde eksportqa tirideı mal tólderin shyǵarýmen aınalysyp júrgen sharýalar keleshekte Sozaqtyń Taýkent kentinde ornalasqan «Taýkent mal soıý tsehyn» kúrdeli jóndeýden ótkizip, iske qosýdy josparlap otyr. Mal soıý tsehy iske qosylǵanda muzdatylǵan aýyl sharýashylyǵy maldarynyń etin de shetel naryǵyna shyǵarýǵa múmkindik paıda bolmaq.
