OQO-daǵy joldardyń boıyna 9 myńǵa jýyq kóshet otyrǵyzyldy
ShYMKENT. QazAqparat - Ońtústik Qazaqstan oblysynda aımaq basshysy Janseıit Túımebaevtyń bastamasymen kógaldandyrý jumystary jyl ótken saıyn qarqyn alyp keledi. Osy baǵytta bıyl oblystaǵy tuqymbaqtardan 2 mıllıonǵa jýyq kóshet tegin berilip, olardy kógaldandyrý jumystaryna paıdalaný kózdelip otyr, dep habarlaıdy QazAqparat tilshisi.
Aımaq basshysynyń tapsyrmasymen negizgi jumystar qalanyń arhıtektýralyq kelbetin jaqsartýǵa, abattandyrý men kógaldandyrýǵa baǵyttalyp otyr.
Máselen, oblystyq mańyzy bar avtomobıl joldary boıyna 100 myńǵa jýyq kóshet otyrǵyzalady dep josparlanǵan. Qazirgi tańda oblystyq jolaýshylar kóligi jáne avtomobıl joldary basqarmasy men «Ońtústik joldary» kásipornynyń tarapynan joldar boıyna 9 myńǵa jýyq kóshet otyrǵyzyldy.
Sondaı-aq, basqarmanyń uıytqy bolýymen aldaǵy ýaqytta qosymsha 10 myńnan astam kóshet egilmekshi. Osylaısha Shymkent, Arys, Túrkistan qalalary men barlyq aýdandardaǵy jol boılary bolashaqta jasyl jelekpen tolyǵa túsedi dep kútilýde.
