OQO-daǵy turaqtandyrý qory azyq-túliktiń baǵasyn birqalypty ustap tur
ShYMKENT. QazAqparat - Ońtústik Qazaqstan oblysynda áleýmettik mańyzdy azyq-túliktiń baǵasyn turaqtandyrý is-sharalary óz nátıjesin berýde. Bul týraly oblystyq kásipkerlik, ındýstrıaldyq-ınnovatsııalyq damý jáne týrızm basqarmasynyń mamandary málimdedi,dep habarlaıdy QazAqparat HAA tilshisi.
Mamandardyń sózinshe, búgingi tańda oblysta baǵanyń kúrt qubylýy tirkelmegen. Ári azyq-túliktiń baǵasy turaqtalyp, jetispeýshiligi baıqalmaıdy.
Máselen, shilde aıyndaǵy azyq-túlik ınflıatsııa deńgeıi oblysta 99,8%-dy quraǵan. Onyń ishinde azyq-túlik taýarlarynyń tutynýshylyq baǵasynyń ındeksi - 98,3%, azyq-túlik emes taýarlar - 100,5% bolyp otyr. Al, statıstıka málimetteri maýsym aıynda áleýmettik mańyzdy azyq-túlik taýarlary baǵasynyń ındeksi 97,7% dep kórsetken. Bıylǵy shilde aıynda áleýmettik mańyzdy azyq-túlik naryǵyndaǵy 2 ónimniń baǵasy joǵarylaǵan. Olardyń qatarynda pııaz 140 teńgeden 146 teńgege, al sábiz 145 teńgeden 151 teńgege qymbattaǵan. Bul ónimder baǵasynyń ósýiniń negizgi sebebi maýsymdyq qubylys bolyp sanalady. Buǵan qosa 2 ónimniń baǵasy tómendedi. ıAǵnı, qyryqqabat 123 teńgeden 88 teńgege, al kartop 131 teńgeden 96 teńgege deıin arzandaǵan.
Búgingi tańda baǵany turaqtandyrý maqsatynda aýyl sharýashylyǵy ónimderiniń jármeńkeleri uıymdastyrylyp keledi. Sondaı-aq, Shymkenttegi «Fırkan», «Magnum», «Rahmet» sekildi iri saýda ortalyqtarymen kelissózder júrgizilip, qazirgi tańda turaqtandyrý qorynyń qanty «Fırkan» saýda jelisinde satylýda.
Eske sala keteıik, turaqtandyrý qorynyń azyq-túligi Shymkent qalasynyń ár aımaǵyndaǵy ondaǵan áleýmettik dúkenderde satylyp keledi.
