OQO-daǵy Saıram-Ógem tabıǵı parkinde adasyp ketken týrıst tabyldy
ShYMKENT. QazAqparat - Ońtústik Qazaqstan oblysyndaǵy Saıram-Ógem tabıǵı parkinde taǵy bir týrıst adasyp ketti. 21 jastaǵy jigit tabıǵatty tamashalap júrip, óziniń tobynan qalyp qoıǵan, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, týrıstiń taýda adasyp ketkeni týraly aqparat kezekshi bólimge 13 mamyrda keshki saǵat 20.30-da túsken.
«Oqıǵa ornyna 1 tehnıkamen jedel-qutqarý jasaǵynyń 5 qyzmetkeri kelip jetti. Olar izdestirý sharalaryn 14 mamyr kúni tańǵy saǵat 05.30-da bastap, saǵat 09.05-te jigit tabyldy» delingen habarlamada.
Aıta keteıik, óńirlik jedel qutqarý jasaǵy kúni keshe ǵana taýda adasyp ketken eki jigitti qutqarǵan bolatyn. Keıinnen eki stýdenttiń de jaǵdaılary qalypty ekeni anyqtaldy. Taýǵa serýendep shyǵyp, joldy tappaı qalǵan.
