OQO-daǵy saılaý zańǵa saı ótkizildi - G.Djýrabaeva

ShYMKENT. QazAqparat - Ońtústik Qazaqstanda saılaý zańǵa sáıkes ótýde, dep habarlady TMD atynan baqylaýshylar mıssııasynyń ókili Gúlnar Djýrabaeva.

«Bári Qazaqstan zańyna sáıkes ótýde. Saılaý zań boıynsha balamaly bolýy kerek, munda úsh úmitkerdiń shyǵyp ketkenine qaramastan, solaı boldy», - dep atap ótti ol. Ońtústik Qazaqstan depýtattary daýys berip jatqan kezde baqylaýshylar bárin nazarǵa aldy. Gúlnar Djýrabaeva uıymdastyrýdaǵy keıbir kemshilikterdi atap ketti. «Bıýlletender taratqan ústelderdiń janynda bári jınalyp qaldy. Bári daýys berýge asyqty, al ol úshin oryndar az boldy», - deıdi baqylaýshy. Sonymen birge G.Djýrabaeva úmitkerlerdiń úgit-nasıhat sharalarynda bola almaǵanyna ókinish bildirdi. TMD atynan mıssııa baqylaýshysy Gúlnar Djýrabaeva - Qyrǵyzstan OSK tóraǵasynyń orynbasary.