OQO-daǵy órtengen kólikten tabylǵan kisi ólimine qatysty kúdikti ustaldy
ShYMKENT. QazAqparat - Ońtústik Qazaqstan oblysy, Túlkibas aýdanynda órtengen kóliktiń júk salǵyshynan máıit tabylǵan bolatyn. Osy qylmysqa qatysy bar degen kúdikti ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, marqumnyń 30-35 jas shamasyndaǵy Shymkent qalasynyń turǵyny ekenin anyqtaldy. Al, ustalǵan 33 jastaǵy sezikti Almaty qalasynyń turǵyny bolyp shyqty. Túlkibas aýdandyq soty tergeý sharalary júrgizilgen eki aı merzimge kúdiktini qamaýǵa alý týraly sanktsııa berdi. Onyń ústinen Qylmystyq kodekstiń «Kisi óltirý» baby boıynsha is qozǵalyp, tergeý amaldary júrgizilýde.
Aýyr qylmysqa qatysty ekinshi kúdikti izdestirilýde. Qazirgi tańda polıtseıler oqıǵanyń mán-jaıy anyqtaýda.
Eske salaıyq, osydan úsh kún buryn Túlkibas aýdanyndaǵy Qulan ózeniniń boıynda bir kólik órtenip ketken edi. Tekserý barysynda kóliktiń júk salǵyshynan er adamnyń múrdesi tabylǵan bolatyn.
