OQO-daǵy «Keles» ózenine batyp ketken sábıdiń denesi tabyldy
ASTANA. QazAqparat - 22 sáýir kúni 21 saǵat 17 mınýtta sýda júrgizilgen tekserý-qutqarý jumystary barysynda «Keles» ózeninen sábıdiń denesi tabyldy, dep habarlaıdy «QazAqparat» Ońtústik Qazaqstan oblystyq Tótenshe jaǵdaılar departamentiniń baspasóz qyzmetine silteme jasap.
Aıta keteıik, 2017 jyldyń 16 sáýiri kúni Ońtústik Qazaqstan oblysy Saryaǵash aýdanynyń Jambyl aýdanynda 2014 jyly týǵan sábıdiń baıqaýsyzda «Keles» ózenine qulap ketkendigi jarııalanǵan bolatyn. Balanyń denesi oqıǵa bolǵan aımaqtan 60 km jerden tabyldy.
Baspasóz qyzmeti taratqan málimetterge qaraǵanda, Otyrar aýdanynyń «Ilıch» eldi mekeninde 10 sáýir Arys ózenine batyp ketken 1992 jyly týǵan azamatty izdestirý jalǵasýda. Kúshti aǵyn men sýdyń laı bolýy izdeý sharalaryn qıyndatyp otyr.
Adamdardy sýǵa batyp ketý jaǵdaılarynyń basty sebebi burynǵysynsha, kez kelgen jerge shomylý, balalardyń sýǵa túsýin eresekterdiń qadaǵalamaýy bolyp otyr.
«Qutqarýshylardyń eskertýlerine qaramastanadamdar qaýipsizdik erejelerin buzýdy qoımaı otyr. Onyń sońy qaıǵyly jaǵdaıǵa dýsher etýde»,-deıdi tótenshe jaǵdaılar salasynyń qyzmetkerleri.
