OQO-daǵy Qazyǵurt taýynda keme beınesindegi alyp keshen salynady
ShYMKENT. QazAqparat - Ońtústik Qazaqstan oblysyndaǵy Qazyǵurt taýynda keme beınesindegi alyp keshen salynady. Bul týraly oblys ákimi Janseıit Túımebaev máslıhattyń kezekten tys ótken 14 sessııasynda málimdedi, dep habarlaıdy QazAqparat HAA tilshisi.
Aımaq basshysynyń sózinshe, aldaǵy ýaqytta Ordabasy taýynda da úsh bıdiń eńseli eskertkishin turǵyzý josparlanyp otyr.
Oblystyq máslıhattyń kezekti otyrysynda otandyq týrızmdi damytý máseleleri sóz boldy Bul baǵytta jergilikti bılik birqatar sharalardy júzege asyrmaq. Máslıhatta sóz sóılegen Janseıit Qanseıituly osy salany damytýǵa baılanysty birqatar tyń jobalar jaıynda áńgime etti. Qazyǵurt taýy basynda salynatyn ǵımarat alyp keme beınesinde bolady jáne onyń birneshe qabaty bolmaq. Bul jospar aldaǵy ýaqytta iske asyp jatsa, onyń ishinde kelýshilerge qajetti barlyq jaǵdaı jasalmaq. Qazir «Keme qalǵan» mańynda qurylys jumystary júrgizilýde. Jańadan salynatyn nysan mańaıyn kóriktendirý men kórkeıtý sharalary qolǵa alynǵan.
Aıta keteıik, bul mekenge kún saıyn kelip - ketýshiler sany artpasa, azaıǵan emes. Al, taýdyń basyna keme beınesindegi ǵajaıyp qurylys eńse tiktese, qasıetti taýdyń mańyzy artyp, týrızmge de keń tynys ashylary anyq.
