OQO-daǵy qaıyrymdylyq kontsertinde 1 mln teńge jınaldy
Sh.Qaldaıaqov atyndaǵy oblystyq fılarmonııada uıymdastyrylǵan sharaǵa qaıyrymdylyq jasaý úshin óńirimizdiń ardagerleri, kásipkerleri men jomart azamattary jáne aýdan, qalalyq ákimdikterdiń, oblystyq basqarmalardyń ókilderi, densaýlyq saqtaý mekemeleri qatysty.
Oblystyq mádenıet basqarmasynyń uıymdastyrýymen óńirdiń kúmis kómeı ánshileri men mádenıet maıtalmandary tegin óner kórsetip, merekelik keshke óz úlesterin qosty.
Jalpy búgingi qaırymdylyq sharaǵa túsken qarjynyń somasy 1 mln. 116 myń teńge. Atalǵan qarjy «JITS-ten balalardy qorǵaý» qaıyrymdylyq qoǵamdyq qoryna aýdarylyp, medıtsınalyq kómekti qajet etetin tirek qımyly buzylǵan múmkindigi shekteýli balalardyń emine jumsalatyn bolady.
Aıta keteıik, jyl basynan beri oblys kóleminde atalyp ótken qaıyrymdylyq is-sharalarynyń aýqymy keń. Máselen, oblystyq jumyspen qamtýdy úılestirý jáne áleýmettik baǵdarlamalar basqarmasynan jáne demeýshiler tarapynan óńirdegi Batyr analar men kóp balalaly az qamtylǵan analar, Uly otan soǵysynyń ardagerleri, jalǵyzilikti qarttar, tyl eńbekkerleri, múgedek balalar, múgedek azamattar jáne az qamtylǵan otbasylar syndy 68 myńǵa jýyq azamatqa jalpy somasy 31 mln. teńgedeı aqsha jumsalǵan. Onyń 70 paıyzy qaıyrymdy jandardyń esebinen kórsetilgen kómek bolyp tabylady.
Al osy merzimde Ońtústik Qazaqstan oblysy Qazaqstan halqy Assambleıasy 100-ge jýyq qaıyrymdylyq is-sharalaryn ótkizdi. Atalǵan ıgi sharalarda 27 myńnan astam adamǵa 84 mln. teńgege jýyq qarjylaı jáne zattaı kómek kórsetildi. Sonymen qatar, Assambleıanyń uıytqy bolýymen óńirdegi aýyr naýqasqa shaldyqqan 6 balaǵa Almatyda kezekten tys em alý úshin 800 myńǵa jýyq teńgeni quraıtyn emdik qoldaý sharalary kórsetildi, dep habarlaıdy OQO ákiminiń baspasóz qyzmeti.