OQO-daǵy kásiporyn úsh elge shıfer eksporttap jatyr
ShYMKENT. QazAqparat - Ońtústik Qazaqstan oblysyndaǵy kásiporyn úsh elge shıfer eksporttap jatyr. Qurylys zatyn shyǵaratyn óndiris orny «Bıznestiń jol kartasy - 2020» baǵdarlamasy aıasynda qarjylandyrylyp otyr, dep habarlaıdy QazAqparat HAA tilshisi.
«Ońtústik» ındýstrıaldy aımaǵynan ashylǵan «Tectum Enjineering» jaýapkershiligi shekteýli seriktestigin aımaq basshysy Janseıit Túımebaev aralap kórdi. Búginde shıferdiń birneshe túrin shyǵaratyn kásiporynnyń jobalyu quny 1,9 mlrd teńgeni quraıdy. «Hatchek» ádisin qoldanatyn óndiris ornynda 200-ge tarta adam jumysqa tartylǵan. Al , shyǵarylǵan ónimniń 60 paıyzy ishki naryqqa, qalǵan 40 paıyzy Tájikstan, Aýǵanstan men Ózbekstan elderine jóneltilýde.
Zaýyt jylyna 2,3 mln. dana shıfer óndirý múmkindigine ıe bolyp otyr. Indýstrııaldy aımaqqa jasaǵan sapary barysynda óńir basshysy «Shymkent Temir» JShS-niń bolat quıý zaýytynyń qurylysymen de tanysty. Keler jyly iske qosylatyn óndiristiń jalpy quny 4,2 mlrd. teńge bolyp otyr. Jylyna 240 myń tonna ónim shyǵarýǵa qaýqarly kásiporyn iske qosylǵanda 150 azamat jumyspen qamtylmaq.
