OQO-daǵy geologııa zertteý nysanynda úsh kólik birdeı janyp ketti
ShYMKENT. QazAqparat - Ońtústik Qazaqstan oblysynyń geologııa zertteý nysanynda úsh kólik birdeı janyp ketti. Óńirdiń tótenshe jaǵdaılar qyzmetiniń málimetinshe, oqys oqıǵa Sozaq aýdanynyń Taýkent eldi mekeninde bolǵan, dep habarlaıdy QazAqparat tilshisi.
Órt «Volkovgeologııa» AQ-ǵa qarasty jalpy kólemi 600 sharshy metr bolatyn «GRE-5» temir garajynda oryn alǵan. Garajdyń ishindegi«KamAZ» avtotsısternasy, «Paz» avtobýsy jáne ekskavator janyp ketken. Órttiń saldarynan garaj maıysyp, zaqymdanǵan. Jalyndy aýyzdyqtaýǵa 8 órt sóndirý qyzmetkeri men 2 tehnıka jumyldyrylyp, túngi 00:20-da tolyq sóndirildi.
Atalǵan aýdandaǵy taǵy bir tótenshe jaǵdaı Qaraǵur aýylynda boldy. Turǵyn úıdiń aýlasynda orman sharýashylyǵyna tıesili memlekettik nómiri 02 DZA 91 tirkemeli vagonnyń ishinde gaz-aýa qospasynan jarylys bolyp, saldarynan 45 jáne 68 jastaǵy ınspektorlar kúıip qaldy. Qazirgi tańda ekeýi de Sozaq aýdandyq ortalyq aýrýhanasyna jatqyzylǵan, jaǵdaılary ortasha deńgeıde.
