OQO-daǵy Báıdibek aýdanyna jańa ákim taǵaıyndaldy
Ońtústik Qazaqstan oblysy əkiminiń ókimimen Báıdibek aýdanynyń ákimi bolyp Baqytbek Tólenuly Tanagózov taǵaıyndaldy.
Jańa basshyny tanystyrý sátinde óńir basshysy laýazym ıesiniń jumysyna tabys tilep, Báıdibektegi halyqtyń áleýmettik-ekonomıkalyq ál-aýqatyn kóterýdegi basshylyqta Elbasy tapsyrmalaryn merzimdi ári nátıjeli oryndaýdy tapsyrdy. Sonymen birge, aýdannyń damýyna óz úlesin qosqan burynǵy ákim Batyrbek Kósherbaıǵa alǵysyn bildirip, qyzmetine sáttilik tiledi.
Jańa basshyny tanystyrý sátinde óńir basshysy laýazym ıesiniń jumysyna tabys tilep, Báıdibektegi halyqtyń áleýmettik-ekonomıkalyq ál-aýqatyn kóterýdegi basshylyqta Elbasy tapsyrmalaryn merzimdi ári nátıjeli oryndaýdy tapsyrdy.
Baqytbek Tólenuly Tanagózov 1957 jyly dúnıege kelgen. Ońtústik Qazaqstan oblysy Sozaq aýdanynyń týmasy. Bilimi - joǵary, ekonomıst mamandyǵyn ıgergen.
Eńbek jolyn 1979 jyly Sholaqqorǵan memlekettik bankiniń ekonomısti retinde bastaǵan. Keıin Sozaq aýdanynda partııa komıtetiniń nusqaýshysy, komsomol komıtetiniń birinshi hatshysy, partııa komıteti úgitteý jáne nasıhattaý bóliminiń meńgerýshisi bolyp eńbek etken.
1989-2010 jyldary «Agroónerkásip qyzmetkerleri» kásipodaǵy aýdandyq komıtetiniń tóraǵasy, Sozaq aýdany ákiminiń orynbasary, «Turan Álem Bank» Taýkent bólimshesiniń basqarýshy jáne «Áıgerim», «Sanjar frýds» jaýapkershiligi shekteýli seriktestikteriniń dırektory laýazymdarynda eńbek etken.
2010-2016 jyldary Saıram aýdany Tassaı aýyldyq okrýginiń ákimi, Saıram aýdany ákiminiń keńesshisi jáne orynbasary laýazymdaryn atqarǵan.
2016 jyldyń mamyr aıynan bastap Túlkibas aýdany ákiminiń orynbasary bolyp eńbek etip kelgen.
Aıta ketý kerek, Báıdibek aýdanynda 55 myńnan astam halyq turady. Munda 52 eldi meken, 11 aýyldyq okrýg bar. Aýdan negizinen aýyl sharýashylyǵyna beıimdelgen óńir bolyp tabylady.
