OQO-daǵy aıaz: oqýshylarǵa demalys jarııalanyp, balabaqshalar jumysyn toqtatty
ShYMKENT. QazAqparat - Ońtústik Qazaqstan oblysynyń Sozaq aýdany men Kentaý qalasynda qatty aıazdan sabaqtar toqtatyldy, dep habarlaıdy QazAqparat tilshisi.
Oblystyq ákimdiktiń baspasóz qyzmetinen málim etkendeı, Kentaý qalasynda aýa raıynyń -23 gradýsqa deıin sýytýyna baılanysty búgin bir kúnge sabaqtar toqtatylyp, balabaqshalar búldirshinderdi qabyldamady.
Al Sozaq aýdanynda 1-4 synyptarǵa eki kúnge demalys jarııalandy. Sebebi munda da aıaz -23 gradýsqa deıin jetken.
Oblystyń ózge qala-aýdandarynda sabaqtar kestege sáıkes ótkizilýde.
«Qazgıdromettiń» boljamyna sáıkes, Ońtústik Qazaqstan oblysynda 29 qańtar kúni kúndiz aýa temperatýrasy 0.. -5 gradýs bolsa, túnde -10.. -15 gradýsty quraıdy. Al 30 qańtar kúni: kúndiz 0.. -5 gradýs, túnde -20..-25, 31 qańtarda: kúndiz -1..+4, túnde -20..-25 gradýs boljanýda.
