OQO-daǵy aptap ystyq turǵyndardyń densaýlyǵyna da áser etýde
ShYMKENT. QazAqparat - Ońtústik Qazaqstan oblysy turǵyndaryn aptap ystyq alqyndyryp barady. Shilińgir shildeniń mundaı kún raıy jurtty ábigerge salýda. Ásirese kúnniń astynda kóp júrip, jumys isteıtinderge aýyr soǵyp tur, dep habarlaıdy QazAqparat HAA tilshisi.
Óńirde kúnniń qatty ysýynan júregi syr berip, aýrýhanaǵa túskenderdiń de sany artyp otyr. Aýa raıy ásirese qan qysymynyń aýytqýy bar adamdar úshin óte qaýipti bolyp tur. Al, óńirdiń sınoptıkteri bul kúnderi ońtústik batystan keletin qurǵaq, jyly aǵymdardyń áserinen Shymkentte kún qyzýy 45 gradýsqa deıin jetkenin aıtady, ári mundaı temperýtarýa shildeniń 29-na deıin jalǵasady degen boljam bar.
«Jyly aǵymdardyń áserinen 29 shildege deıin kún qyzýy Ońtústik Qazaqstan oblysynda túngi ýaqytta 23-28, al kúndiz 37-42, keı jerlerde 45 gradýsqa deıin kóterilýi múmkin. Ári bul aptada aýa raıy jaýyn-shashynsyz, qurǵaq bolady», - deıdi «Qazgıdromet» RMK OQO boıynsha fılıalynyń jetekshi ınjener-sınoptıgi Janat Jármenova.
Mamandar densaýlyǵy nashar jandarǵa alys saparlarǵa shyqpaı-aq qoıǵany abzal dep otyr. Tosyn oqıǵalardyń aldyn alý maqsatynda «Qazgıdromet» mamandary men tótenshe jaǵdaılar salasynyń qyzmetkerleri de birlese jumys isteýde. Oblys turǵyndarynyń jeke uıaly nómirlerine eskertpe habarlamalar jiberý jumystary jalǵasýda.
