OQO-daǵy aptap ystyq tórt túlikke qaýip tóndire bastady
Qazyǵurt aýdandyq veterınarııa bóliminiń mamandary mal asyrap otyrǵan sharýalardy jınap, osy másele boıynsha semınar-keńes uıymdastyrdy, dep habarlaıdy QazAqparat HAA tilshisi.
Veterınarlar jıynda aýa raıynyń qolaısyzdyǵynan aýyl aımaqtarda júrgizilip jatqan saqtyq sharalarynyń qaı deńgeıde júzege asyp jatqanyn talqylady. Sebebi, maldan juǵatyn aýrýlardyń aldyn almasa, tez tarap ketý qaýpi bar. Bul óz kezeginde qorasyndaǵy qarasyn túletip, tirshilik etip júrgen halyq úshin asa shyǵyndy. Al, qaýipsizdik sharalaryn saqtaýda tek ákimdik pen veterınar mamandarynyń ǵana jumys júrgizýi jetkiliksiz. Osyny eskergen jaýaptylar sońǵy ýaqytta bul iske qoǵamdyq uıym múshelerin de tarta bastaǵan. Olar aýyldarda halyqpen kezdesip, túrli keńester berýde. Mamandardyń aıtýynsha atalǵan aýdanda 457 myń mal emdeýden ótkizilip, 64 eldimekende 9 421 jylqy men iri qara búrkilgen. 366 myńnan astam usaq mal toǵytylǵan.Aýdan veterınarlary endi biraz kúnde kúzgi zalalsyzdandyrý jumystaryna kirisemiz dep otyr. Jıyn sońynda sol baǵyttaǵy isterdiń daıyndyǵy da pysyqtaldy.
