OQO-daǵy aǵashtyń jańa tuqymyn shyǵaratyn tálimbaqta tut ósirmek
ShYMKENT. QazAqparat - OQO-daǵy tálimbaqta arnaıy tájirıbe jumystary júrip jatyr. Buǵan deıin mamandar tuqymnan qaıyń men jóke aǵashynyń jańa túrin shyǵarsa, endi tut ósirip kórmekshi.
Nátıjesinde aǵashtyń jańa tuqymy jaıqalyp ósýi múmkin. Qazir tálimbaqta erekshe kútimdegi 3 mıllıon kóshet bar. Bul ádemi aǵashtar tabıǵat aıasynda ósip turǵan joq, olardyń barlyǵy da tájirıbe úshin ósirilgen kóshetter. Maman Darıǵa Ádilbekovanyń bul ispen aınalysyp júrgenine birneshe jyl bolypty. Al osy ýaqyt aralyǵynda biraz nátıjelerge qol jetkizgen. Onyń aıtýynsha, mekemede aǵash kóshetterin ósirýmen aınalysqannan basqa, tájirıbe retinde bizde joq aǵashtardy ósirý tájirıbesi júrgiziledi. Atap aıtqanda, 2014 jyly aqqaıyń kóshetin tuqymynan ósirý úshin sepken. Odan keıin tut kóshetin ósirgen. Bul oblystyq aımaqta basqa eshkimde joq tut kósheti. Tutty tuqymynan ósirip, kóshetke aınadyrýǵa qol jetkizgen. Tájirıbe alańyna 1,5 gektar jer berilgen. Mamandardyń endigi maqsaty - kez kelgen aǵash túrin ońtúsik óńirge jersindirý. Sol úshin barlyq jaǵdaıdy jasalǵan, - deıdi tálimbaq basshylary. Suranysqa ıe bozashra, jaı arsha, qyrym qaraǵaıy, aqqaıyń jáne jemis-jıdek, alma, almurt, órik kóshetterin aıtýǵa bolady. Tálimbaqta qazir 3 mln-nan astam kóshet túri bar. Baq mamandary elimizdiń túkpir-túkpirin aralaǵanda tek erekshe aǵashtarǵa ǵana mán beredi eken. Olardy ońtústikke ákelip otyrǵyzǵan. Qazir jaıqalyp tur. Aǵashtardyń tuqymyn jınaý maýsymy uzaqqa sozylady. Bıyl 3 myń keli uryq jınalypty. Endi olar topyraqqa sebilip, jasyl jelekke aınalýy tıis.
