OQO-daǵy 72 asa bıik ǵımarat tolyq tekserýden ótti
ASTANA. QazAqparat - Ońtústik Qazaqstan oblysy boıynsha 72 asa bıik kóp qabatty ǵımarat esepke alynǵan. Onyń 54-i Shymkent qalasyna tıesili. Solardyń birqatarynda qaýipsizdik sharalary saqtalmaǵan, dep habarlaıdy QazAqparat ákimniń saıtyna silteme jasap.
Búgin bul týraly Óńirlik kommýnıkatsııalar qyzmetinde ótken baspasóz máslıhatynda oblystyq baqylaý jáne profılaktıkalyq qyzmet basqarmasy bastyǵynyń orynbasary Baýyrjan Izbasarov málim etti.
Basqarma tarapynan ǵımarattardyń tótenshe jaǵdaılarǵa daıyndyǵy, ishki órtke qarsy sý qubyrlarynyń jaǵdaıy, azamattardy kóshirý joldary, órt sóndirý dabyl qaqqysh jáne qulaqtandyrý syndy júıeleri tekserilgen. Nátıjesinde Shymkent qalasyndaǵy birneshe ǵımaratta qaýipsizdik sharalary saqtalmaǵan. Olar: «ıAssaýı», «Royal Park» jáne «BIIK» turǵyn úı keshenderi. Atalǵan nysandarǵa aıyppul salynyp, eskertý berilgen. Atalǵan nysandarda búgingi tańda qatelikter túzetilgen. Ózge de ǵımarattardyń ujymyna tótenshe jaǵdaılardy aldyn alý boıynsha túsindirý jumystary júrgizilgen.
«Máselen «ıAssaýı» turǵyn úı keshenine qyzmet kórsetetin uıymnyń kelisýimen órt-taktıkalyq oqý-jattyǵýyn júrgizdik. Oqý-jattyǵý kezinde, joǵary qabatty ǵımarattarda órt sóndirý daǵdylary, adamdardy qaýipsiz jerlerge kóshirý ádisteri jáne basqa tıisti qyzmettermen ózara is-qımyl jasaý atqaryldy», - deıdi Baýyrjan Shyrynbekuly.
Jalpy asa bıik ǵımarattardyń 72-siniń 6-ýynda ǵana qyzmet kórsetetin uıymdar bar. Qaladaǵy birqatar móltek aýdandarda turǵyn úı menshiginiń kooperatıvteri men kondomınıým sýbektileri qurylmaǵan. Bul máseleler nysandarda órt qaýipsizdigin baqylaýdy qıyndatyp otyr.
