OQO-da jyrshylar men termeshiler bas qosty
ShYMKENT. QazAqparat - Ońtústik Qazaqstan oblysynda "Qazaqtyń dəstúrli óner, jyr-termesi" atty semınar-keńes ótip, ənshiler men jyrshy-termeshiler bas qosty. Jıynǵa oblys aýmaǵyndaǵy aýdandyq, aýyldyq mədenıet úıleri men klýbtardyń mádenıet qyzmetkerleri de qatysty, dep habarlaıdy QazAqparat HAA tilshisi.
Elbasy N. Nazarbaevtyń "Rýhanı jańǵyrý: Bolashaqqa baǵdar" maqalasy aıasynda uıymdastyrylǵan basqosý qazaqtyń jyr-terme janrynyń kópshilikke keńinen nasıhattaý men jyrshylar men termeshilerdiń baı muralaryn elge tanytý maqsatynda ótkizildi.
Kenshiler qalasynda uıymdastyrylǵan shara Qarataýdyń arqaly seri jyraýy Bekbolat Erdəýletulynyń ónerdegi shyǵarmashylyǵyna arnalǵan kórmeni tamashalaýdan bastaldy. Semınar barysynda "Jyr-terme óneriniń tarıhy men damýy" taqyrybynda Búkilodaqtyq halyqtar tvorchestvasy festıvaliniń laýreaty, jyrshy Abylaı Bórihanov, "Qazaqtyń dəstúrli ənderi" taqyrybynda Qurmanǵazy atyndaǵy Qazaq ulttyq konservatorııasy folklorlyq zerthanasynyń ǵylymı qyzmetkeri, dəstúrli ənshi Aıtkúl Pazylovalar baıandama oqydy. 
Sondaı-aq "Dəstúrli ən aıtý erekshelikteri" jaıyn QR Mədenıet qaıratkeri, respýblıkalyq baıqaýlardyń laýreaty Abylaıhan Ospanov sóz etse, semınarǵa qatysýshylar jyrshylyq-jyraýlyq óner men jyrshylyq ónerdiń negizgi uǵymdary, terme sózdiń tunyǵy syndy birqatar aýqymdy məselelerdi ózara talqylap ótti. Basqosý aıasynda jyrshylyq, termeshilik, dəstúrli ən aıtý janrlary boıynsha sheberlik sabaqtary uıymdastyryldy.
