OQO-da jylyna 200 tonna qozyquıryq ósiretin jylyjaı iske qosyldy
ShYMKENT. QazAqparat - Elimizge qozyquıryqtardyń deni Polsha, Gollandııa elderinen jetkiziledi. Endi sol syrtqy táýeldilikten qutylatyn kún jaqyn.
Óıtkeni, Ońtústik Qazaqstan oblysynda jylyna 200 tonna qozyquıryq ósiretin jylyjaı iske qosyldy, dep habarlaıdy QazAqparat HAA tilshisi.
Seriktestik basshylyǵy bul kásiptiń túrin Polsha elindegi áriptesterinen úırengenin aıtady. «Agro green» jaýapkershiligi shekteýli seriktestigine tıesili keshen jylyna tórt ret ónim beredi. Qozyquıryqtyń adam aǵzasyna tıgizer paıdasynyń mol ekenin aıtqan ferma basshylyǵy bul kásiptiń tıimdi ekenin jetkizdi.
«Egilgen qozyquıryq úsh aıda daıyn bolady. Qazir alǵashqy qozyquıryqtar kóterildi. Búginde qozyquıryqtyń A-15 sortyn ósirip otyrmyz. Al, tuqymdy Gollandııa elinen tasymaldaımyz. Daıyn ónimge tapsyrys ta joǵary. Qazir osy kameralarda ósken 5 tonna qozyquıryq elimizdiń birqatar qalalarynyń naryǵyna shyǵarylýda»,- deıdi seriktestik dırektorynyń orynbasary Aqjol Qońqabaev.
Seriktestik ashylǵaly beri jergilikti 20 turǵyn jumyspen qamtylǵan. Ferma búginge deıin 5 tonna ónim jınap, ony Qaraǵandy, Almaty men Shymkent qalalaryna saýdalapty.
