OQO-da jylyna 10 myń tonnaǵa deıin as tuzyn óńdeıtin zaýyt jumys isteıdi
ShYMKENT. QazAqparat - Ońtústik Qazaqstan oblysynda jylyna as tuzyn óńdeıtin zaýyt jumys isteıdi. 2016 jyldyń qarasha aıynda iske qosylǵan zaýytta búgingi deıin 1000 tonna ónim óndirilip, oblys aýmaǵy men kórshi oblystarǵa jiberilip jatyr, dep habarlaıdy QazAqparat HAA tilshisi.
Sozaq aýdanynyń ındýstrıaldy aımaǵynan ashylǵan «Darhan-As» óndiristik kooperatıvi saǵatyna 5 tonnaǵa deıin ıodtalǵan as tuzyn shyǵarady. Jergilikti 14 turǵyndy jumyspen qamtyp otyrǵan zaýyt oblystyń tuzǵa degen 100 myń tonnalyq suranysynyń 10 paıyzyn qamtamasyz etýge qaýqarly. Tuz óńdeý tsehynyń basshysy Murat Saparovtyń sózinshe, óndiris orny tolyqtaı avtomattandyrylǵan, bir túımemen basqarylady. Nysan jumysshylary shıkizatty aýdannyń Tasty aýyl okrýgindegi «Baqyt tańy» tuz keninen alýda eken. Tsehta 1, 5 jáne 10 kelilik as tuzdary qaptalyp, býylady. «Bıznestiń jol kartasy 2020» baǵdarlamasy aıasynda 70 mln. teńge nesıe alǵan óndiristik kooperatıv basshylyǵy búginge deıin qaryzynyń 30 paıyzyn jaýyp úlgergen. 
