OQO-da jyldam ósetin aǵashtyń 37 myń túp kósheti otyrǵyzyldy
ShYMKENT. QazAqparat - Ońtústik Qazaqstan oblysy, Saryaǵash aýdanynda álemdegi eń jyldam ósetin aǵashtyń 37 myń túp kósheti otyrǵyzyldy, dep habarlaıdy QazAqparat tilshisi.
Eýropadan ákelingen Pavlovnııa aǵashynyń kósheti bul kúnde 2 gektar aýmaqty alyp otyr. Aınalasy 5 jylda 30 metrge deıin ósetin taldyń saıasy keń, alty apta boıy gúldep turady. Shildeniń aptap kezeńderde aýany tazartýda da róli orasan. Saıaly Saryaǵash aýdanynyń topyraǵyna jersindirilgen daraq ásirese jıhaz ben mýzykalyq aspap jasaýǵa taptyrmaıdy.
Al erekshe aǵashty Saryaǵash jerine jersindirýdi jeke kásipker Baltabaı Qurbanbaev júzege asyrǵan. Búginde onyń qojalyǵynda Pavlonııa kóshetteri jaıqalyp ósip tur. Baǵbannyń sózinshe, aǵash ónimderine degen suranysy kóp ońtústik óńiri úshin bul daraqtyń ár úsh jylda 8 ret kesip alyp, qajettilikke jaratýǵa tıimdi tustary kóp.
«Bul aǵash túriniń tıimdiligi mol. Byltyrǵy jyly Eýropadan arnaıy ákelip otyrǵyza bastadyq. Atalǵan daraq úshin Saryaǵashtyń topyraǵy men klımaty da óte qoılaıly. Sondyqtan bul aǵash túrin jersindirýge júreksingen joqpyz», - deıdi Baltabaı Qurbanbaev.
Bir qyzyǵy, bul aǵashtyń japyraqtary kóktemde búrshik jarmas buryn gúldeıdi eken. Kásipkerdiń aıtýy boıynsha taldyń kútimi jaqsy bolsa, 100-180 jylǵa deıin ómir súredi.
