OQO-da jyl sońyna deıin 25 kópir jóndeledi
ShYMKENT. QazAqparat - Ońtústik Qazaqstan óńirinde bıylǵy jyly oblystyq mańyzy bar avtomobıl joldarynda 16 kópir jóndelýde. Qosymsha 9 kópirde kúrdeli jóndeý jumystary júrgiziledi, dep habarlaıdy QazAqparat HAA tilshisi.
Aǵymdaǵy jyl ishinde 25 kópirde qurylys-jóndeý jumystary júrgizilip, paıdalanýǵa tapsyrylady. Kúrdeli jóndeý kóretin kópirlerdiń deni Báıdibek (1), Maqtaaral (3), Otyrar (1), Saryaǵash (1), Túlkibas (2) aýdandary men Túrkistan (1) qalasyna tıesili.
Oǵan qosa, 22 kópirde qurylys-jóndeý jumystaryn júrgizýge tıisti qujattar ázirlenip jatyr. Oǵan sáıkes aldaǵy ýaqytta jóndeýdi qajet etetin kópirler sany edáýir azaıatyn bolady. Mundaı usynystar, taıaýda, oblystyq máslıhattyń kezekten tys on birinshi sessııasynda oblystyq jolaýshylar kóligi jáne avtomobıl joldary basqarmasynyń tarapynan aıtylyp, halyq qalaýlylarymen qoldaý tapty.
Sonymen qatar, Saryaǵash aýdanyndaǵy Darbaza stansasyna kire beriste 1,2 shq., Túlkibas aýdanyndaǵy «Ásel» demalys ornyna kire beristegi 5,7 shq. jáne Arys qalasyna kire beristegi 8 shq. jol ortasha jóndeýden ótkiziletin bolady. Maqtaaralda da atqarylatyn sharýa bar. Ondaǵy Jańa dala, Iirjar jáne Órkenıet eldi mekenderiniń úsh kóshesinde ortasha jóndeý jumystary bastalsa, Shymkent qalasynyń Temirlan tas jolynda da ortasha jóndeý jumystary júrgiziledi dep josparlanǵan.
