OQO-da jyl sońyna deıin 18 kópir paıdalanýǵa beriledi
ASTANA. QazAqparat -Ońtústik Qazaqstanda jyl sońyna deıin 18 kópir tıisti jóndeýden ótip, el ıgiligine beriledi.
Oblystyq jolaýshylar kóligi jáne avtomobıl joldary basqarmasy mamandarynyń málimetinshe, atalǵan nysandar tolyǵymen paıdalanýǵa berilgende bul jaǵdaı, óńirdegi jóndeýdi qajet etetin kópirler sanynyń 101-ge deıin azaıýyna múmkindik beredi.
Sonymen birge, osy jyly 26 kópirge, ıaǵnı, 11 ótkelge kúrdeli jóndeý, 15 kópirge ortasha jóndeý jumystaryn júrgizý úshin jobalaý-smetalyq qujattamalar ázirlený ústinde. Jyl qorytyndysymen atalǵan 26 jobaǵa tıisti saraptama qorytyndysy alynbaq. Osyǵan sáıkes, 26 jobaǵa qurylysty júrgizý úshin jergilikti bıýdjetten qarjy qaralǵan jaǵdaıda, atalǵan nysandarǵa kelesi 2018 jyly qurylys-jóndeý jumystary júrgizilip, paıdalanýǵa beriletin bolady.
Aıta ketken jón, oblystyq mańyzy bar avtomobıl joldarynda jalpy 409 kópir bar. Atalǵan nysandardyń 290-y qanaǵattanarlyq jaǵdaıda bolsa, qalǵan 119-y jóndeýdi qajet etetin kópirler, dep habarlaıdy OQO ákiminiń baspasóz qyzmeti.
