OQO-da jyl basynan beri jol kólik oqıǵasynan 164 adam qaza tapqan
ShYMKENT. QazAqparat - Ońtústik Qazaqstan oblysynda jyl basynan beri 1013 jol kólik oqıǵasy tirkelip, saldarynan 164 adam qaza tapqan. Taǵy 1428 jolaýshy túrli dene jaraqatyn alypty. Bul týraly búgin óńirdiń kólik prokýrory málimdedi, dep habarlaıdy «QazAqparat» HAA tilshisi.
Shymkent kólik prokýrory Ǵalym Baıǵonysovtyń sózinshe, jolaýshylardy avtokólikpen zańsyz tasymaldaý jol apattarynyń negizgi sebepteriniń biri bolǵan. Máselen, aǵymdaǵy jyldyń 7 aıynda qoǵamdyq kólikterdiń qatysýymen 22 jol kólik oqıǵasy bolyp, 2 adam qaza tapqan. Taǵy 29 jolaýshy jaraqat aldy.
"Jolaýshylardy zańsyz tasymaldaýshylar artyq paıda tabamyn dep kúndelikti medıtsınalyq, tehnıkalyq baıqaýdan ótpeıdi. Jol erejelerin saqtamaıdy. Osyndaı áreketter sońynda jol apattaryna ákep soǵady. Osy másele boıynsha prokýratýra tıisti taldaý júrgizip, quzyrly memlekettik organdar (jergilikti polıtsııa qyzmeti) zańsyz tasymaldaýshylarmen tıisti deńgeıde kúrespeıdi degen tujyrymǵa kelip otyr"- dedi Shymkent kólik prokýrory.
Osyǵan oraı Shymkent kólik prokýratýrasy 15-shi tamyzdan bastap arnaıy reıd ótkizýde. Nátıjesinde bir aptanyń ishinde 30 zańsyz jolaýshy tasymaldaýshy ákimshilik jaýapkershilikke tartylǵan. Reıdtik sharalar jalǵasatyn bolady dedi prokýror.
