OQO-da jyl basynan beri 27 adam sýǵa ketti
ShYMKENT. QazAqparat - Ońtústik Qazaqstan oblysynda jyl basynan beri 27 adam sýdan ajal qushqan. Baqılyq bolǵandardyń 14-i 12 jasqa deıingi balalar. Bul týraly Oblystyq tótenshe jaǵdaılar departamentiniń baspasóz qyzmeti málimdedi, dep habarlaıdy QazAqparat HAA tilshisi.
Tótenshe jaǵdaılar qyzmeti mamandarynyń sózinshe, qaıǵyly jaǵdaılardyń bolýyna negizinen azamattardyń tyıym salynǵan oryndarda shomylýy sebep bolǵan. Sondaı-aq ata-analardyń balalar ómirine nemquraıly qaraýy da jetkinshekterdiń sýdyń qurbany bolýyna ákelip soqqan. Osyndaı qaıǵyly jaǵdaılardyń aldyn alý úshin sala mamandary oblys boıynsha 130 reıdtik shara uıymdastyrǵan. Olar kópshilik shomylatyn oryndarda túsindirme jumystaryn júrgizip, keleńsiz jaǵdaılardy boldyrmaýǵa kúsh salǵan.
Al jaǵajaılarda qaýipsizdik erejelerin saqtamaǵan 24 adamǵa 266 myń teńge kóleminde aıyppul salyndy.
