OQO-da jurtty jumysqa turǵyzamyn dep aldaǵan alaıaq ustaldy
ShYMKENT. QazAqparat - Ońtústik Qazaqstan oblysynda jurtty jumysqa turǵyzamyn dep aldaǵan alaıaq ustaldy. Onyń 8 alaıaqtyq qylmysyna qatysy bar ekeni anyqtalyp otyr, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, Kentaý qalasynyń turǵyndary polıtsııa bólimine birneshe ret aryzdanǵan. Aıtýlarynsha beıtanys adam olardy jumysqa ornalastyryp beremin dep aldap, árqaısysynan 50 myń teńgeden alyp ketipti. Sóıtip jábirlenýshilerge jarty mıllıon teńgege jýyq shyǵyn keltirgen.
Jedel izdestirý sharalary kezinde ustalǵan 27 jastaǵy seziktiniń osyndaı qylmystar jasap kelgeni anyqtaldy. Qazirgi tańda onyń ústinen Qylmystyq kodekstiń 190-baby «Alaıaqtyq» boıynsha is qozǵalyp, sotqa deıingi tergeý amaldary júrgizilýde.
