OQO-da jýrnalıster men blogerler kıeli jerlerdi aralap qaıtty
ShYMKENT. QazAqparat - Ońtústik Qazaqstan oblysynda «Rýxanı jańǵyrý: Ońtústiktegi týrızmdi nasıxattaýdyń zamanaýı texnologııalary» taqyrybynda jýrnalıster men blogerlerge arnalǵan semınar-trenıng ótti. Oblystyq ishki saıasat basqarmasy uıymdastyrǵan shara aıasynda semınarǵa qatysýshylar ońtústiktegi kıeli jerlerdi aralap, jergilikti sharýa qojalyqtardyń jumysymen tanysty, dep habarlaıdy «QazAqparat» HAA tilshisi.
Semınarǵa respýblıkalyq, oblystyq BAQ-tarda eńbek etip júrgen jýrnalıster, blogerler jəne Ońtústik týrızm ortalyǵynyń ókilderi bas qosty. Maqsat - týrızmdi damytý úshin elektrondy resýrstardy paıdalaný arqyly atalǵan salaǵa úles qosý boldy.
«Ontustik tourism center» týrıstik aqparattyq ortalyǵynan bastalǵan semınar-trenıngke qatysýshylar Tóle bı aýdanyndaǵy kıeli jerlerdi aralap kórdi. Qazyǵurt aýdanyndaǵy «Ǵaıyp eren qyryq shilten» áýlıesine baryp, zııarat etti.
Sonymen qatar atalǵan aýdandaǵy ashylǵaly turǵan qus fabrıkasymen, jergilikti seriktestik pen aýdannyń mádenıetimen, aýyl sharýashylyǵy ónimderimen tanysty.
Semınar-trenıngtegi basqosý tabıǵaty tamasha demalys aımaǵynda jalǵasyn tapty. Onda týrızm salasyndaǵy ózara pikir almasýlar men
usynystar aıtylyp, talqylandy.
