OQO-da jumyspen qamtýǵa qatysty qylmys boıynsha taǵy 17 adamnyń isi sotqa tústi
ShYMKENT. QazAqparat - Ońtústik Qazaqstan oblysynda Jumyspen qamtý basqarmasynda jasalǵan qylmysqa qatysty bar degen taǵy 17 adamnyń isi sotqa tústi. Bul týraly oblystyq sotta ótken brıfıngte málim boldy, dep habarlaıdy QazAqparat tilshisi.
Ońtústik Qazaqstan oblystyq sotynyń sýdıasy Búrkit Baıdýllaevtyń sózinshe, 17 aıyptalýshynyń isi osy aptanyń ishinde oblystyq qylmystyq ister jónindegi mamandandyrylǵan aýdanaralyq sotyna túsken. 
«Júnisalıeva Berdalıev degen jeke kásipkerdiń esepshisi bolǵan. ıAǵnı Jumyspen qamtý ortalyǵyna ótetin qujattardyń barlyǵy osy jeke kásipkerdiń esepshisi arqyly ótip otyrǵan. Sol jerden monıtorlar sııaqty aıǵaqty zattar tárkilengen. Olardyń ishinen jumyspen qamtý ortalyǵyna baılanysty kelisimsharttar, jeke adamdardyń kýálikteriniń kóshirmeleri tabylǵan. Barlyq qylmystardy dáleldeıtin qujattardy tergeýshi alǵan»,- deıdi Búrkit Baıdýllaev.
Sýdıanyń aıtýynsha, aıyptalýshy dep tanylǵan azamattardyń arasynda jumyspen qamtý salasy mamandarymen qatar jekelegen azamattar da bar. Olarǵa Qylmystyq kodekstiń birneshe baby boıynsha aıyp taǵylyp otyr.
«Ustalǵandarǵa «bótenniń múlkin qylmystyq top quryp asa iri kólemde jymqyrý, uıymdasqan topty basqarǵan jáne sol topty uıymdastyrý barysynda ár qylmysqa qatysýshylardyń jumysyn josparlaý jáne uıymdastyrý qyzmetin júrgizgen, qylmystyq jolmen tapqan aqshany jáne múlikti mólsherde zańdastyrǵan, adamdar tobynyń aldyn ala sóz baılasýymen resmı qujattardy birneshe ret qaıta jasaǵan» degen aıyp taǵyldy»,- deıdi oblystyq sottyń sýdıasy.
Eske salaıyq, qazirgi tańda Abaı aýdandyq sotynda qylmystyq top quryp, júıeli túrde para alǵan oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Sátjan Polatov pen osy basqarmanyń aýdandyq bólimniń basshysy jáne memlekettik kommýnaldyq kásiporyn dırektoryna qatysty sot otyrysy ótýde. Olarǵa Qylmystyq kodekstiń 366 baby 3 bóligi «Para alý» boıynsha aıyp taǵylyp otyr.
Al, Shymkent qalalyq Jumyspen qamtý ortalyǵynyń eks-dırektory Asyljan Jamalbekovke halyqaralyq izdeý jarııalanǵan bolatyn. Oǵan 400 mln teńgeden astam memleket qarajatyn jymqyrdy degen kúdik keltirilip otyr.
«Sheneýnik memlekettik qyzmetti atqarýǵa teńestirilgen laýazymdy tulǵa bola tura, uıymdasqan qylmystyq topty ózine baǵynyshty qyzmetkerlerdiń arasynan qurǵan. Toptyń basqarýshysy retinde 2015 -2017 jyldar aralyǵynda kúdikti I.Júnisalıeva men adamdar toby bolyp aldyn-ala sóz baılasyp, bótenniń múlkin jymqyrý maqsatynda, senimdi teris paıdalaný jolymen bótenniń múlkine quqyqty ıemdenip, baǵdarlama aıasynda bólingen qarajattardyń ysyrap etilýine yqpal jasaǵan. Ol úshin ózine materıaldyq syıaqy alyp, memleket bıýdjetine jalpy kólemi 437 384 604 teńge zalal keltirgen», - delingen Asyljan Jamalbekovke qatysty sot qaýlysynda.
Ázirge sheneýnik tabylǵan joq.
