OQO-da jumyspen qamtý baǵdarlamasynyń jańa bes jyldyq baǵdarlamasy túsindirilýde
«Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn» nasıhattaý baǵytynda qurylǵan toptar Kentaý, Túrkistan, Sozaq, Shardara, Saryaǵash, Maqtaral, Shardara, Qazyǵurt, Báıdibek aýdandary men Shymkent qalasynda bolyp, jańa jobanyń jaı-japsaryn aıtyp berdi.
Atalǵan semınar-májiliske aýdan, qala ákimderi, jetekshilik jasaıtyn ákim orynbasarlary jáne aýyl okrýgteriniń ákimderi, sondaı-aq, múddeli bólim ókilderi (bilim, aýyl sharýashylyǵy, kásipkerlik bólimderi jáne qarjy ınstıtýttarynyń fılıaldary), jumyspen qamtý ýákiletti organdarynyń mamandary qatysty.
Semınar-májiliste oblys ákiminiń birinshi orynbasary Darhan Amangeldiuly jańa baǵdarlamanymindetti túrde aýyl ákiminen bastap tıisti memlekettik múddeli bólim qyzmetkerlerine deıin jetik meńgerýi tıis ekendigin aıtyp, aldaǵy ýaqytta aýyldyq okrýg ákimderi, baǵdarlamany iske asyrýǵa jaýapty mamandar onyń júzege asyrý tetikteri men zańnama normalaryn qoldaný barysyna testileý júrgizilýijosparlanǵanyn atap ótti.
Sonymen qatar, birinshi orynbasar baǵdarlamamen bekitilgen ındıkatorlardyń oryndalýy boıynsha barlyq deńgeıdegi ákimderdiń jumysy baǵalanatynyn eskertip, onyń jete meńgerilýi únemi baqylaýda turǵanyn jetkizdi. Osyǵan oraı, túsindirme jumystary boıynsha tıisti nátıje shyǵaryp, iske asyrý úshin jaýapty sala jetekshilerine birqatar tapsyrmalar berdi.
Sondaı-aq, aýdan, qalalarǵa jasaǵan issaparynda D.Satybaldy bastaǵan jumys toptary jekelegen sanattaǵy azamattarǵa qyzmet kórsetetin birqatar áleýmettik ońaltý mekemelerin aralady.
«Jumyspen qamtý 2020 jol kartasy» baǵdarlamasynyń jalǵasy bolyp tabylatyn «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn» nasıhattaý sharýalary osy aptanyń sońyna deıin jalǵasatyn bolady. Aldaǵy kúnderi jumysshy top quramy Túlkibas, Saıram, Tólebı, Ordabasy aýdandary men Arys qalasyna barady dep kútilýde.
Aıta ketý kerek, «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynda» ataýynyń ózi aıtyp turǵandaı jumyspen qamtýdyń nátıjeli kórsetkishterine qol jetkizý men oqytý jáne kásipkerlikke baýlý baǵyttaryna aıryqsha kóńil bólinedi.
«Tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý», «Buqaralyq kásipkerlikti damytý» jáne «Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý» syndy úsh baǵyttan turatyn jańa baǵdarlama sheńberinde tek bıylǵy jyldyń ózinde oblysta 11 myńnan astam adamdy kásibı oqytýmen qamtý kózdelýde. Onyń 5 myńǵa jýyǵyn tegin kásibı daıarlaýdan ótkizý josparlanǵan. Odan bólek, baǵdarlama sheńberinde berilip kelgen shaǵyn nesıeniń kólemi 3 mln.teńgeden 16 mln. teńgege deıin ulǵaıǵan. Bul ózgerister qarapaıym halyqtyń tabysyn arttyrýǵa úlken sepigin tıgizetini belgili. Bul jumystar úshin 2017 jylǵa respýblıkalyq bıýdjetten 13,1 mlrd. teńge bólinip, 64,3 myń adamnyń qatysýy josparlanýda. 
Al baǵdarlamanyń bıýdjettik ákimshileri retinde oblystyq jumyspen qamtýdy úılestirý jáne áleýmettik baǵdarlamalar, bilim, kásipkerlik, ındýstrıaldy-ınnovatsııalyq damý jáne týrızm, aýyl sharýashylyǵy basqarmalary bolyp belgilengen.
Eske sala keteıik, búgingi kúnge deıin júrgizilgen bes jyldyq «Jumyspen qamtý 2020 jol kartasy» baǵdarlamasy sheńberinde ótken jyly 72 myńnan astam azamat qamtylyp, áleýmettik qoldaýlarǵa ıe bolǵan edi. 
