OQO-da «Jomart júrek» qaıyrymdylyq aktsııasy ótti

ShYMKENT. QazAqparat - Ońtústik Qazaqstan oblysynda QR Tuńǵysh Prezıdenti kúnine oraı  "Jomart júrek" qaıyrymdylyq aktsııasy ótti. Óńirdiń mádenıet salasy qyzmetkerleri aktsııa aıasynda Tólebı aýdanyndaǵy №7 arnaýly əleýmettik qyzmetter kórsetý ortalyǵy men Birinshi Mamyr eldimekenindegi balalar úıine baryp, "Baqytty balalyq" kontserttik sharasyn uıymdastyrdy, dep habarlaıdy QazAqparat tilshisi.

Aıta keteıik, №7 arnaýly əleýmettik qyzmetter kórsetý ortalyǵynda týabitti kemistigi bar múgedek jəne jastaıynan ata-ananyń qamqorlyǵynsyz qalǵan búldirshinder turyp jatyr.

Oblysqa belgili ónerpazdar olarǵa merekelik kóńil-kúı syılap, balalardy arnaıy quttyqtady. Qaıyrymdylyq sharada əýelete  ən salyp, búldirshindermen qosyla bı bıledi. Týǵan jer, Otan, baqytty balalyq shaq taqyrybyndaǵy ənderge shattana qol soǵyp qýanǵan balalarǵa arnaıy təttiler de úlestirildi. Syılyqtardy oblystyq mədenıet jəne halyq shyǵarmashylyǵy ortalyǵynyń ujymy tartý etti. Artynsha dál osyndaı kontserttik baǵdarlama balalar úıinde de jalǵasyn tapty.