OQO-da joldardyń 36 paıyzy jaramsyz kúıge túsken

ShYMKENT. QazAqparat - Ońtústik Qazaqstan oblysynda kúre joldardyń 36 paıyzy  jaramsyz kúıge túsken. Bul týraly búgin OQO Aımaqtyq kommýnıkatsııalar qyzmetinde ótken baspasóz konferentsııasynda oblystyq Jolaýshylar kóligi jáne avtomobıl joldary basqarmasynyń basshysy Nurlan Baıǵut málimdedi. Onyń sózinshe, bıyl osy joldardy qalpyna keltirý úshin bıýdjetten 29 mlrd. teńge qaralyp otyr eken. Bul qarajatqa jylyna 1 400 shaqyrymdaı jol jóndeletin bolady, dep habarlaıdy QazAqparat HAA tilshisi

Máselen, Báıdibek aýdanyndaǵy joldardyń jartysynan kóbi júrýge jaramaı qalǵan.  Al, Túrkistan qalasynda joldardyń 48 paıyzy tozǵan. Sondyqtan jóndeý jumystary aldymen osy aýmaqtardan bastalady. Al, kólik dáliziniń jaǵdaıyn jaqsartýdy kózdegen sala mamandary ekinshi jartyjyldyqta bólinetin qarjy kólemin kóbeıtip, sapaly joldar sanyn arttyrmaq.

«Máselen, Báıdibek aýdanynda 251 shaqyrymdy quraıtyn jolǵa qurylys-jóndeý jumystary júrgiziledi dep josparlap otyrmyz. Bul aldyńǵy jyldarmen salystyrǵanda aýdan úshin jaqsy kórsetkish dep oılaımyn. Sol sııaqty, Qazyǵurt aýdanynda 158,6 shq., Maqtaaralda 119,7 shq., Túrkistanda 112,7 shq., Saıramda 97,8., Túlkibasta 68,7 shaqyrym jolda qurylys-jóndeý jumystary bastalady. Mundaı jumystar óńirimizdegi ózge de aýdan, qalalarda júredi», - dedi Nurlan Marhabatuly.

 

Sondaı-aq, Qazyǵurt asýyndaǵy eski kúre jol da qaıta jóndeýden ótedi. Oǵan ketetin shyǵyn bastapqy kelisimshart boıynsha Respýblıkalyq bıýdjetten  qaralmaqshy. Al, Shymkenttegi kólik qozǵalysyn retteý úshin aldaǵy ýaqytta bes birdeı jolaıyryq salynatyn bolady.  Aldaǵy tórt jylda óńirdegi joldardyń 71 paıyzy jaqsy joldar sanatyna kiredi dep kútilýde.

Oblystaǵy kúre joldardan bólek, sondaǵy kópirlerdiń de máselesi qıyndyq týǵyzyp otyr. Óıtkeni, óńirde basqarmaǵa qarasty 420 kópir bolsa, sonyń 121-i tez arada jóndeýdi qajet etedi. Bıyl sonyń jıyrmaǵa jýyǵyn jańartý josparlanyp qoıypty. Basqarma basshysy olardy bıýdjettiń múmkindigine qaraı kezeń-kezeńimen jóndep, 2020 jylǵa deıin tolyq bitiremiz dep otyr.