OQO-da jol-kólik oqıǵasy saldarynan 4 adam mert boldy
ASTANA. Qarashanyń 9-y. QazAqparat - Ońtústik Qazaqstan oblysynda eki avtokóliktiń soqtyǵysýynan shyqqan órttiń saldarynan 4 adam qaıtys boldy,
dep habarlaıdy QazAqparat QR TJM-ǵa silteme jasap.
Qarashanyń 8-i saǵat 00.40 mınýtta Báıdibek aýdany, Shymkent-Samara avtojolynyń 59-shy shaqyrymynda «Aýdı» jáne «Hıýndaı» kólikteriniń soqtyǵysýy bolyp, onyń saldarynan sońǵy avtokóliktiń janýy oryn aldy. Nátıjesinde «Hıýndaıdyń» júrgizýshisi men úsh jolaýshy, onyń ishinde 10 jasar er bala jalyn qushaǵynda mert boldy.
«Aýdı» mashınasynyń júrgizýshisi aýrýhanaǵa jetkizildi. Órt QR TJM OQO boıynsha Tótenshe jaǵdaılar departamentiniń órtke qarsy qyzmetiniń kúshimen saǵat 01.40-ta sóndirildi.
