OQO-da jol erejesin buzǵandarǵa 120 mln teńge aıyppul salyndy
ShYMKENT. QazAqparat - Ońtústik Qazaqstan oblysynda jyl basynan beri jol júrý erejesin buzýǵa qatysty 6,5 myń derek tirkeldi. Júrgizýshilerge 120 mln teńgeden astam ákimshilik aıyppul salynǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, oblys kóleminde bir aıdan astam ýaqyt aralyǵynda 115 mln teńgeden astam ákimshilik aıyppul óndirilgen. Búginde oblys ortalyǵynda ereje buzǵandardy anyqtaıtyn 40-tan astam jol qozǵalysyn basqarý júıesi bar. Olardyń ishinde «Redspıd», «Integra» jáne «Krıs-P» jyldamdyq ólshegish quraldary táýlik boıy jol qozǵalysyn túsirip, protsessıngilik ortalyǵyna joldaıdy.
Ortalyqta apatty jaǵdaıǵa aparyp soǵatyn nemese jyldamdyqty shekten asyrý sekildi jol erejelerin buzýǵa qatysty faktiler tirkelip otyrady.
