OQO-da jol erejesin buzǵandardan 870 mln teńgeden astam aıyppul óndirildi
ShYMKENT. QazAqparat - Ońtústik Qazaqstan oblysyndaǵy Protsessıngilik ortalyq 100 myńdaı jol júrý erejesin buzý jaǵdaılaryn tirkegen.
Shym shaharda búginde 40 shaqty baqylaý kameralary ornatylyp, jol erejesin buzý oqıǵalary negizinen osy qurylǵylarǵa túsip qalǵan, dep habarlaıdy QazAqparat tilshisi.
Oblystyq ishki ister depatramenti baspasóz qyzmetiniń málimetinshe, «Redspıd» jyldamdyq ólsheýish quraly men «Integra» zııatkerlik kóshe qıylysy jáne jol qozǵalysyn baqylaıtyn «Krıs P» qurylǵylary da táýlik boıy jol erejesin buzýshylardy tirkegen. Máselen, aǵymdaǵy jyldyń 11 aıynda erejege baǵynbaǵandarǵa 77 myń uıǵarym shyǵarylyp, poshtamen júrgizýshilerge joldanǵan. Búgingi kúnde 870 mln teńgeden astam ákimshilik aıyppul oblystyq bıýdjetke óndirilgen. Polıtsııa qyzmetkerleriniń sózinshe, Protsessıngilik ortalyq tótenshe jaǵdaılarǵa ushyratatyn jáne jyldamdyqty asyrý jaǵdaılarymen ushtasatyn jol erejelerin buzý jaıttaryn anyqtaýǵa baqylaý jasaıdy. Avtomattyq rejimde jol qozǵalysyn basqarý erejesin buzǵan avtokólikti toqtatpaı-aq tirkeý jolǵa qoıylǵan. Bul óz kezeginde polıtseılermen jáne jol qozǵalysyna qatysýshylarmen qarym-qatynasty sıretip, sybaılas jemqorlyqqa jol bermeı otyr.
