OQO-da jol apatynan 4 adam mert boldy
ShYMKENT. QazAqparat - Ońtústik Qazaqstan oblysynda 4 adamnyń ómirin qıǵan jol apaty boldy. Shymkent-Arys-Shardara jolynda «Hıýndaı-Stareks» pen «Gaz-53» avtokólikteri soqtyǵysyp, aýdarylyp ketken, dep habarlaıdy QazAqparat HAA tilshisi.
Oblystyq ІІD baspasóz qyzmetiniń málimetinshe, kólik apatyna «Hıýndaı-Stareks» kóliginiń júrgizýshisi sebepker bolǵan. Ol jolda kele jatyp rólge ıe bola almaı, qarsy betke shyǵyp ketken. Sonyń saldarynan aýdarylǵan kóliktegi 23 jastaǵy jigit pen 19 jastaǵy boıjetken baqılyq boldy. Qoǵamdyq kóliktiń 22 jastaǵy júrgizýshisi men eki jolaýshy, 22 jastaǵy jigit pen 47 jastaǵy áıel Arys aýdandyq aýrýhanasyna jetkizilgen. Alaıda dárigerler eki jigittiń de ómirin saqtap qala almady. Ekeýi de aýrýhana tóseginde jan tásilim etti. Al, aýyr jaraqat alǵan áıel jansaqtaý bóliminde jatyr.
Qazirgi tańda jol kólik oqıǵasyna baılanysty Qylmystyq kodekstiń 345 baby, 4 bóligimen «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda eki nemese odan da kóp adamnyń ólimine ákep soqqan is-áreket» boıynsha is qozǵalyp, anyqtaý jumystary júrgizilýde. Birneshe sot-medıtsınalyq saraptamalar taǵaıyndalyp, sotqa deıingi tergeý sharalary júrgizilýde.
