OQO-da joǵalyp ketken týrıster tabyldy
ShYMKENT. QazAqparat - Ońtústik Qazaqstan oblysynda quzdan óz betinshe túse almaǵan saıahatshylar qutqaryldy.
Olar Birkólik taý shatqalyna shyǵyp, keri qaıta almaı qalǵan, dep habarlaıdy QazAqparat HAA tilshisi
Tólebı aýdanyndaǵy taý shatqalyna saıahattap shyqqan 19 jáne 20 jastaǵy eki jigit 2 myń metrlik bıiktikke kóterilgen. Alaıda qaıtar kezde joldan adasyp, tómen túse almaı qalǵan. Sharasyzdyqtan «112» nómirine qońyraý shalyp, qutqarýshylardy kómekke shaqyrǵan. Sol kúni tehnıkamen jaraqtanǵan quramynda 4 qyzmetkeri bar jedel-qutqarý toby Tóle bı aýdanyndaǵy demalys aımaǵyna attandy. Oqıǵa ornyna keshki saǵat 19:39-dar shamasynda jetken qutqarýshylar saıahatshylardy eki saǵattan keıin taýyp aldy. Keıinnen alpınıstik arqandarmen olardy tómenge túsirgen. Qutqarý kezinde olardyń jaǵdaıy qalypty boldy, medıtsınalyq kómekti qajet etken joq.
Óz kezeginde óńirdiń tótenshe jaǵdaılar qyzmeti azamattarǵa saıahatqa shyǵar kezde aldyn ala tıisti oryndarǵa tirkelý qajettigin eskertedi.
