OQO-da joǵalǵan jeti jasar qyzdy izdeýge súńgýirler kiristi
ShYMKENT. QazAqparat - Ońtústik Qazaqstan oblysy, Saryaǵash aýdanynda joǵalǵan jeti jasar Inabat Muhtarqojany izdeýge súńgýirler jumyldyryldy. Bul týraly oblystyq TJD baspasóz qyzmetiniń bas mamany Zarıpa Turysbekova málimdedi, dep habarlaıdy QazAqparat tilshisi.
Bas mamannyń aıtýynsha, 7 jasar qyz joǵalǵan Aqnıet aýyly mańynan Tasken kanaly ótedi. Týystary joǵalǵan jetkinshektiń sol kanalǵa túsip ketýi múmkindigin aıtqan.
«Bizge qyzdyń joǵalǵany týraly habar keshe túnde jetti. Oqıǵa ornyna búgin tańerteń saǵat 6.40-tan bastap Shardara jedel qutqarý beketinen 6 qutqarýshy jetip, izdestirý sharalaryn júrgizýde. Olarǵa 1 tehnıka men 1 qaıyq berildi»,- deıdi Zarıpa Turysbekova.
Qazir oqıǵa ornyna Saryaǵash aýdandyq ishki ister qyzmetkerleri de jumyldyrylǵan.
Birinshi synypta oqıtyn Inabat Muhtarqoja 26 naýryz kúni Saryaǵash aýdanyndaǵy Aqnıet aýylynda úıdiń aýlasynda oınap júrgen jerinen joǵalyp ketken bolatyn. Qyzdyń anasy Aqbota Káýkeshovanyń aıtýynsha, qyz bala naǵashylaryna qydyryp barǵan.
