OQO-da joǵalǵan stýdent qyz óli tabyldy
ShYMKENT. QazAqparat - 10 mamyrda joǵalǵan Aıgerim Ospanbekovanyń máıiti Qazyǵurt aýdanynan tabyldy, dep habarlaıdy Otyrar.kz saıty.
«Qazirgi ýaqytta kúdikti azamat retinde 1990 jylǵy jigit ustaldy. Máıitte zorlyq-zombylyq belgileri bar. Ustalǵan jigittiń ústinen kisi óltirý boıynsha qalmystyq is qozǵaldy», - dedi Saryaǵash aýdanynyń prokýrory Nurǵalı Asqanbekov.
Eske sala ketsek, stýdent qyz Shymkent qalasyna oqýǵa barýy úshin úıinen shyqqan. Polıtseıler Áıgerimniń 10 mamyrda kúndizgi saǵat úshter shamasynda zattaryn jınastyryp, jolǵa shyqqanyn anyqtady. Ol Jetisaı-Shymkent tasjolynyń boıynan jolaı kólikke otyryp, Shymkentke jetýi kerek bolǵan. Biraq, is-tússiz joǵalyp ketti.
«Tártip saqshylary joǵalǵan qyzdyń týystarymen, eriktilermen, oblys jurtshylyǵymen birlesip Áıgerim Ospanbekovany izdegen bolatyn», delingen jazbada.
