OQO-da jetim balalar ejelgi Otyrar tarıhymen tanysty
ShYMKENT. QazAqparat - Ońtústik Qazaqstan oblysynda jetim balalar ejelgi Otyrar tarıhymen tanysty. Shymkent qalasyndaǵy №4 balalar úıiniń tárbıelenýshileri Otyrar aýdanyn aralap, kıeli jerlerdi kórip qaıtty, dep habarlaıdy QazAqparat tilshisi.
Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» maqalasy aıasynda uıymdastyrlǵan saıahatta Otyrar aýdanyq sottyń tóraǵasy Ákimbek Janasov balalardy arnaıy kútip alyp, olarmen birge júrdi.
Saıahatty Rýhanııat Ábý-Nasyr Ál-Farabı murajaıynan bastaǵan oqýshylar aýdan tarıhynan syr shertetin qundy jádigerlermen jan-jaqty tanysyp, Arystanbab kesenine zııarat jasady. Muhtar Shahanovtyń «Kóne qumyranyń syry jáne Otyrar dastany» atty shyǵarmalarynyń negizinde túsirilgen mýlthıkaıany tamashalady. Jetkinshekter ózderin IX-X ǵasyrda júrgendeı sezinip, alǵan áserlerimen kóne Otyrar qalasynyń orny Otyrar tóbege bardy. Onda júrgizilip jatqan arheologııalyq zertteý jumystarymen tanysyp, ejelgi ǵasyrlardan syr shertetin qaqpa aldynda estelikke sýretke tústi.
Otyrar aýdanynyń tarıhyna qanyqqan mektep oqýshylary artynsha Túrkistan shaharynda ornalasqan Arystanbabtyń shákirti Qoja Ahmet ıAssaýı kesenesine zııarat jasady. Óskeleń urpaqtyń týǵan jerge degen súıispenshiligin arttyrý, tarıhı oryndarmen tanystyrý maqsatynda uıymdastyrylǵan tanymdyq saıahatta tárbıelenýshiler men ustazdar qonaqjaı Otyrar jurtyna alǵystaryn bildirdi.
