OQO-da jergilikti turǵynǵa pyshaq salǵan polıtseı qyzmetinen ketti
ShYMKENT. QazAqparat - Ońtústik Qazaqstan oblysy Sozaq aýdanynda turǵynǵa pyshaq salyp alǵan aýdandyq ІІB bastyǵynyń orynbasary jumysynan shettetildi jáne onyń bastyǵy da qyzmetinen ketti. Bul týraly Oblystyq ІІD baspasóz qyzmeti málimdedi, dep habarlaıdy QazAqparat tilshisi.
«ıÝtýb» áleýmettik jelisinde jarııalanǵan beınematerıal boıynsha Sozaq AІІB bastyǵynyń birinshi orynbasary polıtsııa maıory Oljas Amandyqovqa qatysty qyzmettik tekserý júrgizildi.
«Atalǵan jaıt negizinde SDTBT-ne QR QK-niń úsh baby boıynsha qylmystyq is tirkeldi: 149 «Turǵynjaıǵa qolsuǵylmaýshylyqty buzý» , 362 «Bılikti nemese laýazymdyq ókilettikterdi asyra paıdalaný», 293 «Buzaqylyq». Birneshe saraptama taǵaıyndaldy. Sotqa deıingi tergeý amaldary júrgizilýde» delingen habarlamada.
Sondaı-aq, oblystyq ІІD-ge qarasty tártiptik komıssııasynyń sheshimimen Oljas Amandyqov Іshki ister organy qyzmetkerleri qatarynan bosatyldy. Onyń osy áreketi úshin Sozaq AІІB bastyǵy men onyń tergeý isi jónindegi jáne qyzmet boıynsha orynbasarlary atqaryp otyrǵan laýazymdarynan shettetilgen. Budan bólek, Oblystyq ІІD Jergilikti polıtsııa qyzmeti Sozaq AІІB JPQ bastyǵyn laýazymynan bosatý týraly usynys Sozaq aýdanynyń ákimshiligine jiberilgen.
Eske salaıyq, buǵan deıin áleýmettik jelilerde Oljas Amandyqovtyń qatysýymen bolǵan vıdeo áleýmettik jelilerge tarap ketken edi. Ony túsirgender joǵary qyzmettegi sheneýnik mas kúıde bóten bireýdiń úıine basa kóktep kirip, úı ıesin uryp-soqpaqshy bolǵanyn aıtqan.
Beıne túsirilimde er azamat «Saqshy túnniń jarymynda meniń úıime kirip keldi, mas, esin bilmeıdi. Meniń qolyma pyshaq tyǵyp aldy» dep aıtqan. Keıin tóbeles bolyp ketken.
Keıinnen keleńsiz oqıǵa Ońtústik Qazaqstan oblysy Sozaq aýdany Sholaqqorǵan aýylynda oryn alǵany belgili boldy. Beıne túsirilimdi túsirgender, sondaı-aq, aýdandyq ishki ister basqarmasy basshylyǵynyń ózderiniń qaramaǵyndaǵylardyń dóreki áreketine kóz juma qarap otyrǵanyn atap ótken edi.
Birneshe saraptama taǵaıyndaldy. Sotqa deıingi tergeý amaldary júrgizilýde. Qazirgi tańda Amandyqov ýaqytsha ustaý ızolıatoryna qamaýǵa alyndy.
